Terapia Okupasionál

  

Definisaun

Terapia okupasionál servisu ho labarik atu bele iha dezempeñu di´ak liu iha okupasaun hotu-hotu loron-loron. Ida ne´e inklui kapasidade atu halimar, han, kuida ba ijiene, ropa, atividade eskolár oioin, interasaun ho labraik sira no adultu iha kontestu oioin.

Terapia okupasionál avalia funsaun sensorial, persetivu, fíziku no sosiál ba ema, no mós fatór ambiental sira ne´ebé influensia ninia dezempeñu iha atividade sira; identifika área ba disfunsaun no envolve labarik iha programa ida ne´ebé estruturadu kompostu husi atividade oioin atu hakur difikuldade sira tambá kondisaun saúde nian.

 

Departamentu Terapia Okupasionál

 

Departamentu maka kompostu husi ekipa profisionál espesializadu ne´ebé taru iha kualidade, efisiénsia no rigór sientífiku.

Ekipa ne´e servisu atu halo prevensaun, avaliasaun no intervensaun iha nível dezenvolvimentu psikomotór no iha nível funsaun sensoriál no perseptivu sira.

Ekipa ne´e halo intervensaun ba labarik, foin-sa´e no adultu sira no mós fó nível másimu ba funsionalidade no hadi´a moris nia kualidade ba ema ho defisiénsia ne´ebé presiza servisu oioin.

 

Intervensaun ita-nia utente bazeia iha:

  • avaliasaun, tratamentu no abilidade ba utente sira ne´ebé iha disfunsaun/problema fíziku, mentál, dezenvolvimentu, sosiál no sira seluk. Uza téknika integradu iha atividade sira ne´ebé hili tuir objetivu;
  • prevensaun ba inkapasidade, liuhusi estratejia adekuadu ne´ebé sei haree fó ba utente dezempeñu no autonomia másimu iha ninia funsaun pesoál, sosiál no profisionál;
  • Se karik bele, iha estudu no dezenvolvimentu ba ajuda téknika sira, atu kontribui hadi´a moris nia kualidade.

 

Durante sesaun, terapeuta okupasionál bele halo intervensaun iha nível:

  • iperatividade;
  • Problema sensoriál no perseptivu;
  • Difikuldade ba aprendizajén;
  • Atrazu ba dezenvolvimentu no psikomotór. 

 

 Iha nível aspetu sensomotór, tratamentu nia forma envolve:

  • Tratamentu ba kontratura;
  • Treinu ba sensibilidade;
  • Treinu funsionál;
  • Treino ba autoajuda nu´udar, ijiéne isin, knaar doméstiku, han, nst;
  • Teknolojia ba apoiu no ajuda ho kadeira roda; 
  • Informasaun kona ba moris iha uma (konsellu no redúz bele perigu).

 

Iha nível funsaun neuropsikolójiku, ekipa ba terapia okupasionál uza métodu ba tratamentu tuirmai ne´e:

 

  • Treinu kognitivu;
  • Treinu ba memória;
  • Servisu manuál;
  • Atividade ne´ebé kriativu hanesan espresaun pesoál no pratika knaar motór;
  • Tempu livre;
  • Hadi´a funsaun sira ne´ebé iha aat;
  • Rai kapasidade ne´ebé iha;

Aprende no pratika knaar sira foun.