Terapia Koalia

                                             

Definisaun

 

Terapia koalia relasiona ho komunikasaun umanu (koalia no linguajén), no mós problema sira ne´ebé iha ligasaun ho funsaun ba tilun, matan, kognitivu, oromuskulár, dada iis, deglutinasaun no lian. Intervensaun terapéutiku bele sei hala´o ho labarik no adultu sira no tama ba laran terapia, reabilitasaun no integrasaun fali iha meiu sosiál no profisionál, no mós intervensaun prekose, orientasaun no hameno.

 

 Hahú fulan Janeiru husi tinan 2015 ne´ebé CNR haktuir ho servisu ba terapia koalia. Servisu hirak ne´e, hela asegura husi terapeutiku koalia ida ne´ebé servisu atu halo prevensaun, avaliasaun no tratamentu ba perturbasaun sira iha komunikasaun umanu, ne´ebé halo parte la´os tan de´it funsaun sira hotu realasiona ba komprensaun no espresaun ba linguajén orál no eskrita, maibé mós forma sira seluk komunikasaun la´os verbál nian.

 

Terapeútiku koalia atua kona ba problema koalia, lian no linguajén orál no eskrita sira hotu, la´os dependente ba etiolojia, iha labarik, adolesente, adultu ka katuas.

 

Tratamentu intensivu

 

Molok hahú kualkér tratamentu relasiona ho terapia koalia, labarik iha konsulta ida ba avaliasaun atu bele estabelese karik ninia nível komunikasaun mak ne´ebé adekuadu ba ninia tinan. Avaliasaun ne´e mak hala´o iha kolaborasaun ho aman-inan relasiona ho hosi tempu ba tempu no labarik nia ábitu, liuhusi teste sira ne´ebé perseptivu no/ka instrumentál.

 

Sesaun sira, ne´ebé bele semanál ka bi-semanál, mak baibain individuál iha ne´ebé terapeuta koalia no labarik iha hamutuk iha fatin lúdiku no didátiku. Terapia sira ne´ebé uza liu tan inklui: jogu prátiku ho objetu, figura ka animál – atu labarik bele identifika iha nível orál. Atividade hirak ne´e fó dalan kompreende saída mak lian no letra sira ne´ebé susar liu tan ninia komunikasaun.

 

Lalenok mak materiál ida ne´ebé terapeuta uza atu labarik iha feed-back vizuál ba pozisaun no movimentu ba nanál no ibun-kulit iha produsaun lian ne´ebé la konsege artikula.

 

Konsellu/ Envolvimentu Familiár

 

Terapeuta koalia trata relatóriu ida ne´ebé iha informasaun kona ba rezultadu sira ba avaliasaun no orientasaun relasiona ho oinsa komunika ho labarik sira. Relatóriu ida ne´e inklui konjuntu ida atitude komunikativu ne´ebé aman sira bele iha no konstitui asaun terapéutiku sira atu kontribui ba evolusaun sira nia oan-mane sira.

 

Envolvimentu família nian mak ne´ebé importante tebes ba intervensaun nia susesu iha terapia koalia ba labarik ka adultu. Família maka parte ida ne´ebé importante tebes ba planu terapéutiku no ninia partisipasaun maka faktór importante ba nia susesu.

 

Iha ámbitu terapia koalia, terapeuta koalia sei hala´o akompañamentu iha nível:

  • Atrazu/Problema espesífiku ba dezenvolvimentu Linguajén;
  • Alterasaun iha koalia/ Artikulasaun Verbál;
  • Problema ba komunikasaun/ Autismu;
  • Gagu;
  • Problema ba lian/ disfonia;
  • Difikuldade iha leitura no eskrita/ Disleksia;
  • Alterasaun iha Motrisidade Orál;
  • hahan (susar iha nível nata/deglutisaun);
  • tilun-diuk.