Prestasaun servisu sira nian iha munisípiu sira - Desentralizasaun

Desentralizasaun

Apoiu ba domisiliáriu/ Prestasaun servisu sira nian iha munisípiu sira

 

Centro Nacional de Reabilitação fó hakat ida ne´ebé importante liu atu hadi´a atendimentu ba populasaun, bainhira hahú, iha tinan 2013, faze preparasaun atu desentralizasaun ba servisu reabilitasaun nian. Ida ne´e, maka dalan atu hodi hatan ba númeru kazu aas ema ho defisiénsia.

 

 Atu nune´e, hahú tinan 2013, iha ámbitu preparasaun ba desentralizasaun servisu reabilitasaun nian, CNR deside ona atu hakat ba oin ho hala´o knaar iha nível terapeútiku nian ba iha liur munisípiu Díli, atu haluan tan ninia área intervensaun nian no públiku ba rejiaun rua: rejiaun hosi Baucau ne´ebé kompostu husi munisípiu Baucau, Lospalos no Viqueque no mós rejiaun Ermera ne´ebé halo parte munisípiu Ermera, Liquiçá no Aileu

 

Nune´e, hanesan instituisaun públiku hosi solidariedade sosiál, CNR dezenvolve mós ninia asaun iha rejiaun teritóriu sira seluk, iha estratégia husi dezenvolvimentu komunitáriu ba reabilitasaun, igualdade oportunidade no integrasaun sosiál ba ema ho defisiénsia hotu-hotu atu hodi promove kolaborasaun entre dirijente komunitáriu sira, ema ho defisiénsia no sira-nia família.

Ho ida ne´e, rejiaun rua ida ne´e maka promove programa reabilitasaun nian iha servisu hamutuk ho komunidade ne´ebé servisu sira-ninia leet no lideránsa komunitáriu servisu hamutuk ho objetivu atu rezolve problema sira ne´ebé funsionál no mós inkluzaun sosiál ba ema ho defisiénsia.

Medida ida ne´e, ne´ebé define hahú nesesidade kliente sira nian ne´ebé bele artikula, planeadu no implementa oinsa desentraliza. Husi ne´e mós, ekipa multidixiplinár, utente sira nia família ka ajénte komunitáriu kapasitadu dezenvolve asaun sira hodi hala´o nafatin avaliasaun ne´ebé sistematizadu.

Servisu reabilitasaun nia desentralizasaun iha rejiaun rua ida ne´e hala´o husi ekipa reabilitasaun ida ne´ebé integradór/ multidixiplinár, ne´ebé ninia objetivu maka halo levantamentu, avaliasaun no intervensaun ba ema ho defisiénsia.

Ekipa ida ne´e integradór/ multidixiplinár mak kompostu husi elementu sira ne´ebé tama ba laran departamentu CNR ida-idak, liuliu Departamentu husi Servisu Asistensiál ne´ebé inklui:

  1.  Fizioterapeuta ida;
  2.  Terapeuta okupasionál ida;
  3. Tékniku/espesialista ida ba manutensaun kadeira roda;
  4. Elementu ida ba Departamentu Reabilitasaun ho Baze iha Komunidade (RBK);
  5. Elementu ida ba Departamentu Administrasaun;
  6. Elementu ida ba Departamentu Finánsas;
  7. Subdiretór ida (Xefe husi ekipa).

Ekipa multidixiplinár ida ne´e sai nu´udar resposta tomak ba problema utente sira nian ne´ebé iha defisiénsia fíziku. Elementu ida-idak ninia departamentu kaer knaar ninia responsabilidade ne´ebé define klaru no rekoñese importánsia ba intervensaun atu atende nesesidade funsionál sira ba utente. Intervensaun sira ne´ebé efikás mai husi konjuntu ida ba observasaun sira ne´ebé halo iha kolaborasaun, bazeia ba servisu husi ekipa ne´e ne´ebé hala´o halibur dadus liuhusi uza téknika no instrumentu sira ne´ebé espesífiku.

 

 

 

 

Avaliasaun mak kompostu husi aspetu sira tuirmai ne´e:

  1. Observasaun;
  2. Entrevista/kestionáriu;
  3. Karakterístiku ba ambiente;
  4. Intervensaun.