RBK - Reabilitasaun Ho Baze Iha Komunidade

                    

Reabilitasaun ho Baze iha Komunidade (RBK)

 

Centro Nacional de Reabilitação iha programa ida ho naran Reabilitasaun ho Baze iha Komunidade (RBK). Programa ne´e sai nu´udar dezenvolvimentu komunitáriu nia estratejia ida ba reabilitasaun, igualdade ba oportunidade no integrasaun sosiál ba ema ho defisiénsia sira hotu, atu promove kolaborasaun entre ajente komunitáriu sira, ema ho defisiénsia, ninia família no sidadaun sira seluk.

 

Programa “Reabilitasaun ho Baze iha Komunidade” (RBK) funsiona hanesan estratejia dezenvolvimentu komunitáriu ba reabilitasaun, oportunidade ne´ebé hanesan no integra fali ema sira ne´ebé ho defisiénsia iha sosiedade. Atu bele servisu hamutuk entre na´i-ulun iha komunidade, ema ho defisiénsia, sira-nia família no sidadaun sira seluk.

 

Programa RBK iha ekipa kompostu husi tékniku Pesoál lima ho funsaun atu fasilita prosesu reabilitasaun ho sidadaun, liuhusi identifikasaun no kontaktu ho na´i-ulun lokál sira ne´ebé hetan rekoñesimentu iha teritóriu laran hodi haree ema sira ne´ebé ho defisiénsia no sira-nia família.

Programa Reabilitasaun Ho Baze iha Komunidade – RBK nia objetivu mak hanesan:

  • Garante katak ema ho defisiensia bele partisipa iha moris inklusivu;
  • Atu sensibiliza sosiedade hodi hamenus bareira fízika no atitudionál sira ne´ebé halo aat ba ema ho defisiensia no sira nia família.
  •  

Metodolojia ne´ebé uza husi Departamentu Reabilitasaun Ho Baze Iha Komunidade (RBK):

  1. Analiza Situasaun nian;
  2. Planeamentu;
  3. Implementasaun no Monitorizasaun;
  4. Avaliasaun.