Ofisina ba manutensaun Kadeira Roda nian

      

 

Ofisina ba manutensaun kadeira roda nian

Ofisina ba kadeira roda kompostu husi tékniku na´in haat ne´ebé halo adaptasaun ba kadeira roda sira hodi fó funsaun masimu atu halo atendimentu iha grau oioin ba nesesidade husi utente ba haree ba ninia karakterístiku.

Hafoin alende ne´e, tekniku sira hala´o treinamentu ho utente/uzuáriu hodi haree ninia adaptasaun ba alterasaun kadeira roda nian.

 

Departamentu/Ofisina ba Kadeira roda iha kompeténsia tuirmai ne´e:

  • Halo avaliasaun, analiza no interpretasaun iha nível terapeútiku. Durante avaliasaun terapeútiku ne´e, halo observasaun ida kona ba abilidade sira ne´ebé funsionál ba utente, kontratura, medida husi utente no ninia kadeira roda;
  • Hahú prosesu ba preskrisaun no adaptasaun ba kadeira roda hafoin avaliasaun ida di´ak;
  • Hala´o treinamentu ho uzuáriu/utente atu haree nia adaptasaun ba troka ne´ebé halo iha kadeira roda;
  • Fó orientasaun sira ba família atu orienta asesu husi uzuáriu/utente ita nia uma rasik;

Harii asesibilidade no mobilidade iha interiór ba uma husi uzuáriu/utente sira ne´ebé la prepara ona ba ema ho defisiénsia fíziku.

Relasiona ho unidade funsionál sira, Departamentu kadeira roda nian iha unidade tolu:

  • Unidade ba kadeira roda;
  • Unidade ba produsaun;
  • Unidade ba asesibilidade.

 Unidade ba kadeira roda nia knaar mak:

  • Hahú prosesu ba preskrisaun no adptasaun iha kadeira roda, hafoin halo avaliasaun ida di´ak;
  • Halo no troka kadeira roda sira;
  • Hala´o treinamentu ho uzuáriu/utente atu hodi haree nia adaptasaun ba alterasaun ne´ebé halo iha kadeira roda;
  • Fó konsellu tékniku ba família utente sira nian;
  • Halibur dádus no prepara relatóriu estatístiku sira ne´ebé relasiona ho servisu prestadu husi departamentu ne´e.

Unidade ba produsaun nia mak objetivu prodúz no adapta ekipamentu mobilidade nian mak hanesan ezemplu:

  • Harii no adaptasaun ba kadeira roda;
  • Harii rampa ba asesu iha edifísiu sira;
  • Harii santina sira ne´ebé adapta ba ema ho defisiénsia motór ka mobilidade redúz;
  • Prepara lista ba materiál produsaun hot-hotu.

Unidade ba asesibilidade nia mak objetivu:

  • Identifika tipu asesibilidade;
  • Monitoriza no akompaña utente durante adaptasaun nia kadeira roda nia tempu hotu;
  • Fó orientasaun ba família atu orienta asesu ba uzuáriu/utente iha nia uma rasik.

Ofisina kadeira roda fornese konjuntu modelu ida ba kadeira roda ninia objetivu maka atende ba utente nia nesesidade ne´ebé iha defisiénsia fízika.