Ekipa klinika multidixiplinár ida desloka tiha ona ba distritu Ainaro

07-04-2014 16:23

Ekipa terapia nian multidixiplinár ida desloka tiha ona ba distritu Ainaro, husi loron 31 to´o 5 fulan Abril ho objetivu atu halo levantamentu no avaliasaun ba ema ho defisiénsia. Ekipa mak kompostu husi elementu sira ne´ebé integra kada departamentu hosi Centro Nacional de Reabilitação halo identifikasaun ba ema sira ne´ebé portadór defisiénsia, hanesan problema motór, intelektuál no problema saúde nian (diabete, epilepsia).

Liu tiha hala´o diagnóstiku ba ema sira no ninia ambiente, ekipa ne´e elabora tiha planifikasaun adekuadu ho baze iha koñesimentu ba ema sira ne´ebé identifika tiha ona. Ikus liu, ekipa ida ne´e hala´o intervensaun adekuadu ho baze iha karakterístiku no nesesidade hosi kada ema ho defisiénsia.