Ekipa multidixiplinár CNR sira nian hala´o deslokasaun iha munisípiu oin-oin

16-06-2015 16:25

Ekipa multidixiplinár CNR sira nian hala´o deslokasaun iha munisípiu oioin

 

Entre fulan Janeiru no Juñu, tinan 2015, iha ámbitu desentralizasaun ba servisu reabilitasaun sira nian, Centro Nacional de Reabilitação haruka tiha equipa multidixiplinár sira ba munisípiu Same, Ainaro, Manatuto, Oecusse no Maubisse ho objetivu halo foti ba ema ho defisiénsia sira hotu, atu avalia pasiente sira liuhusi konsulta husi fisioterapeuta, au define planu ba intervensaun (tipu ba tratamentu sira ne´ebé refere no numeru sesaun) ho mós halo atendimentu ba nesesidade pasiente sira nian.

Tuir diresaun ba sentru, ema ho defisiénsia motór no mentál barak maka diagnostiku tiha ona no hatudu tipu defisiénsia oioin, liuliu paralezia serebrál, pneumonia, lezaun muskulár, sunu, fratura, ain boto, nst). Alende ne´e, mós hala´o asaun sensibilizasaun ida iha munisípiu ida-idak relasiona ho promosaun ba servisu reabilitasaun sira nian no direitu sira ba ema ho defisiénsia.

Entrega dispozitivu oioin hanesan kadeira roda, próteze, ai-tonka, sapatu ne´ebé adaptadu, nst, ba utente sira balu no harii rampa ba asesu ba ninia uma sira atu hadi´a asesibilidade ba pasiente sira ne´ebé mobilidade nia problema.