Servisu sira

 

Servisu sira ne´ebé hala´o iha CNR

 

Centro Nacional de Reabilitação asegura prestasaun ba servisu reabilitasun nian liuhusi rekursu sira nia konjuntu ida ne´ebé presta servisu hosi apoiu espesializadu, iha nível terapéutiku, fizioterapétiku klíniku, sosiál no akadémiku.

 

Hodi nune, e CNR mobiliza meius sira hotu atu hametin apoiu ba ema ho defisiénisa konjénitu, ba defisiente sira ne´ebé iha hetan grau ida invalidés parsiál tambá asidente servisu nian ka asidente ba kareta.

 

CNR mós apoiu labarik ho defisiénsia sira ne´ebé mai husi família kik liu tan bainhira fila fali ba eskola liuhusi doasaun ba materiál eskolár sira. Ida ne´e maka rezultadu hosi kampaña ida ne´ebé ita-nia sentru promove tiha ona tuir protokolu ba parseria ho Ordén Malta, ne´ebé hahú iha tinan 2012. Hodi nune´e, labarik barak bele fila fali ba eskola haksolok liután tanba solidariedade hosi CNR iha parseria ho órden ida ne´e. Importante tebetebes katak ema hotu-hotu bele fó kondisaun sira di´ak liu hotu ba labarik ho defisiénsia ne´ebé nia família sira la iha rekursu finanseiru sira ne´ebé bele ajuda no, tanba ne´e, sira ne´ebé mak desvantajén beibeik.

 

Sentru soi profisionál sira ho téknika aas liu, kompeténsia no umanista ne´ebé mak orienta atu atende nesesidade ba utente. Profisionál sira organiza iha ekipa multiprofisionál sira hosi área fizioterapia, ortoprotezia, terapia okupasionál, terapia koalia, manutensaun ba kadeira roda no servisu sosiál atu asegura tratamentu individuál ba utente ida-idak.

Nune´e, fizioterapeutiku, terapeuta okupasionál, terapeuta koalia no tékniku ba kadeira roda, ho mós ekipa ba resesaun no administrativu, ami hotu iha ho objetivu ne´ebé ita-nia utente sente di´ak. Ami pratika reabilitasaun nu´udar prosesu globál, kontínu no koerente ida ne´ebé maka bazeia ba ema ho defisiénsia no lahó kapasidade. Ita-nia utente iha partisipasaun ativa tanba bele foti desizaun iha ninia prosesu ba dezenvolvimentu.

 Servisu ba área reabilitasaun nian sira ne´ebé iha CNR maka tuirmai ne´e:

  1. Ortoprotezia
  2. Fizioterapia
  3. Terapia okupasionál
  4. Terapia koalia
  5. Kadeira roda
  6. Reabilitasaun ho baze iha Komunidade (RBK) 


Apoiu Rezidensiál

Unidade ba alojamentu funsiona  husi 2.ª feira to´o 6.ª feira ne´ebé inklui feriadu sira hotu ba utente sira ne´ebé moris iha Díli iha liur, iha fatin sira ne´ebé lahia transporte públiku ho oráriu compatível ho atividade CNR nian.

Oráriu dader: Tuku 6 oras no 6.30.

Oráriu kalan: tuku 21 oras.

Vizita sira bele sei simu entre tuku 11 oras no 12 oras, husi 16 oras to´o 17 oras, husi segunda to´o sesta-feira, maibé la inklui feriadu no fim de semana.

Oráriu ne´ebé refere iha leten la inklui familiár no ema sira ne´ebé halo parte utente sira ne´ebé moris iha Díli iha liur. Ba ema hirak ne´e, vizita sira hala´o durante oráriu ba funsionamentu CNR nian.

 

 Refeitóriu / Hahán

1. Refeitóriu ne´ebé mak fatin atu haan, husi 2.ª to´o 6.ª feira (loron útil). Utente sira ho nesesidade apoiu nian liuhusi ema ida seluk sei fó tulun durante hahán.

2. Utente no família sira iha asesu ba servisu hahán nian.

3. Iha artikulasaun besik ho óspitál Guido Valadares, CNR fornese ba utente sira nutrisaun ida ne´ebé ekilibradu no oioin ho dieta sira ne´ebé preskrita husi nutrisionista, durante injestaun alimentár no nutrisionál iha nesesidade ba utente sira.

 4. Oráriu ba hahán mak tuirmai ne´é:

                                           Oráriu ba hahán

Hahán

Semana

Matabixu

7:00 H

Merenda

10:00H

Han-meiudia

12:00 H

Merenda

15:00 H

Han-kalan

19:30 H

 


Armazén

 

Centro Nacional de Reabilitação iha armazén rua, fatin ida ne´ebé maka tau ekipamentu hotu-hotu la´os tan de´it semi remata ka remata hein ba maka transfere, maibé mós ekipamentu hirak ne´ebé sei fahe ba tempu oin mai. Instalasaun ida ne´e, halo resepsaun ba merkadoria sira hotu, moos, konservasaun no jestaun ba produtu sira.

Pesoál ne´ebé responsável husi planeamentu no organizasaun lojístiku ninia mak knaar resepsaun, selesaun, karga/deskarga, armazenajén, transporte no embalajén ba merkadoria.

Lojístiku ba armazén serve atu regula no optimiza fluksu ba merkadoria, informasaun no produto sira husi aquizisaun to´o distribuisaun.