Mensajén diretór nian

 

 

 

Iha sosiedade ne´ebé maka globalizasaun tomak, ne´ebé ami tuir lor-loron redúz tipu fronteira sira hotu, komunikasaun husi istituisaun sira kaer knaar importánsia boot. Ho ida ne´e, hau fó boas-vindas ba ema sira hotu ne´ebé iha asesu ba website hosi Centro Nacional de Reabilitação, hanesan instituisaun ba direitu públiku ne´ebé fó ba personalidade jurídiku, autonomia administrativu, finanseiru no patrimoniál no la buka lukru.

Ho harii husi pájina ne´e, ami hakarak loke instituisaun ida ne´e la´os tan de´it ba komunidade ne´ebé iha nia laran, maibé mós atu bele kualker sidadaun ne´ebé la´os depende de´it hela iha Díli, iha Timor-Leste, ka iha kontinente seluk, iha asesu ba pájina ida ne´e.

Iha mundu foun ne´e, loke no interativu, ami hakarak mak duni folin atu fahe informasaun, konteúdu no oportunidade atu komunika.

CNR dedika ninia servisu hotu atu promove reabilitasaun husi ema ho defisiénsia, liuhusi prestasaun ba servisu sira ne´ebé espesializadu, no mós inkluzaun no promosaun ba sira nia direitu, atu garante igualdade ba oportunidade, kombate ba diskriminasaun no partisipasaun husi ema portadór defisiénsia iha moris sosiál nia área sira hotu.

Ami iha ekipa profisionál ba reabilitasaun multidixiplinár ne´ebé orienta atu rezolve problema ami nia utente sira. Fizioterapeuta, terapeuta okupasionál, terapeuta koalia, ortoprotéziku no mós ekipa husi resepsaun no administrativu nia objetivu maka fó konfortu ba utente.

Ami hakarak kontinua dinamiza no haluan tan kooperasaun ho parseiru sosiál sira, organizasaun la´os governamentál no entidade públiku no privadu sira hotu ne´ebé dezenvolve servisu iha área husi defisiénsia no reabilitasaun, hodi hametin knaar husi CNR. Hodi nune´e, CNR ninia objetivu maka fó resposta di´ak liu ba nesesidade espesiál husi utente ho baze iha ninia karakterístiku ho objetivu maksimiza ninia potensiál. Nune´e, ami hakarak kontinua hametin ninia kapasidade resposta nian.

Ne´e duni, ami hakarak iha servisu sira ne´ebé iha kondisaun seguransa no privasidade nian di´ak liu atu habelar tan kualidade no mós néon-lais akompaña avansu no téknika sira foun ne´ebé mosu iha área reabilitasaun nian.

Ami hatene katak mak presiza haka´as an liután. Ita-nia preokupasaun  prinsipál mak sei fó ba utente sira servisu reabilitasaun sira di´ak liu. Ami iha fiar-metin, ho dedikasaun no empeñu, no kolaborasaun ita-nia profisionál sira hotu hetan, ho seguránsa no determinasaun, nafatik objetivu ida ne´e.

Ho partisipasaun sivil konsiente ba sidadaun, instituisaun, parseiru no doadór sira de´it ne´ebé fó apoiu ami ne´ebé maka sei bele kumpre ninia knaar, hala´o ninia misaun, hadi´a kualidade no haluan tan atendimentu ne´ebé ami presta ba ema ho defisiénsia.

Ami hein katak site ida ne´e koresponde sira nia espetativu.

________________________________________________________________________________________________________________________________